Generasjonsfotografering

Å få fotografera fire generasjonar av mødre – frå ei lita snuppe til hennar oldemor – er noko heilt spesielt. Tenk for ein skatt dette er for minstejenta, som kan sjå tilbake på desse bileta når ho veks opp.

Slike generasjonsbilete er meir enn berre eit minne frå ein dag. Dei er ein arv som viser kvar ein kjem frå, og ei påminning om at ein er del av noko større. Å samle fleire generasjonar på eitt bilete skaper noko tidlaust – noko som vil bety meir og meir for kvar dag som går.  Generasjonsfoto er ei feiring av familieband som aldri går av moten!